Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн Ажлын алба, Төв аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран тус аймгийн боловсрол, соёл урлаг, эрүүл мэнд, цагдаа, шүүхийн шийдвэр гүйцэтгэх байгууллагын ажилтан, алба хаагчдыг чадавхжуулах сургалтыг зохион байгууллаа.

Сургалтаар хүн худалдаалах гэмт хэрэгтэй тэмцэх, урьдчилан сэргийлэх, мансууруулах эм, сэтгэцэд нөлөөт бодисын хууль бус эргэлттэй тэмцэх үйл ажиллагаа болон хүүхдийн эрх, хамгааллын чиглэлээр төрөөс баримталж буй бодлогыг танилцууллаа.

Түүнчлэн хүүхдийг Монгол Улсын хилээр нэвтрүүлэхэд баримтлах журмын хэрэгжилтийн талаар мэдлэг, мэдээлэл олголоо.