Зүүн Өмнөд Азийн Филиппин улс аминд халтай хэт халууны улмаас сургууль, цэцэрлэгийг түр хаалаа.

Энэ долоо хоногийн дунд хүртэл онлайнаар хичээл орох болсныг Филиппиний Боловсролын яамнаас мэдэгджээ. 

Тус улсад өнгөрсөн долоо хоногт хэт халсны улмаас сурагч, багш нар ухаан алдах, хүмүүсийн цусны даралт ихсэх тохиолдлууд гарчээ.

Энэ долоо хоногийн хагас хүртэл Филиппинд агаарын хэм цельсийн 37 хэм хүрч халах төлөвтэй байна. Агаарын температур 37 хүрч байгаа ч агаарын чийгшилтэй нийлээд хүнд мэдрэгдэж байгаа нь 45 хэм байна гэдгийг тус улсын Цаг уур, орчны шинжилгээний агентлагаас тайлбарласан байна.

Тиймээс сурагч, багш нарын эрүүл мэндэд ноцтой аюул учирч байна гэж үзсэний үндсэн дээр дээрх шийдвэрийг гаргасан байна.