ЭХЭМҮТ-д амаржсан ээжийн ар гэрийнхэн шөл цай гэрээсээ зөөх, халуун шөл уулгах гэж эмнэлгийн гадаа, машиныхаа тээшинд шөл хийх шаардлагагүй болжээ.  

Зориулалтын бус орчинд хоол хийх нь эхийн халдвар хамгаалал, аюулгүй байдлын хувьд өндөр эрсдэлтэйд тооцогддог байна. Иймд ЭХЭМҮТ-өөс шинэ хонины махаар хийсэн бор шөл, цайг төрөх өрөөнд хүргэдэг үйлчилгээг нэвтрүүлжээ. 
Шөл нь сонголтгүй бөгөөд цай нь сүүтэй болон сүүгүй гэсэн хоёр сонголттой аж. Дөнгөж төрсөн ээжид захиалгын дагуу эмнэлгийн гал тогооноос шинэ махны шөл шууд хүргэж  эхэлсэн байна. захиалга авсан тогооч өөрөө шөл, цайгаа бэлтгэн тасагт нь хүргэж өгдөг байна.