Гэмт хэргээс урьдчилан сэргийлэх зөвлөлийн Ажлын алба, Цагдаагийн ерөнхий газрын Урьдчилан сэргийлэх алба, Тээврийн цагдаагийн албаны төлөөлөл "Баянзам тээвэрчдийн холбоо" нийгэмд үйлчлэх төрийн бус байгууллагын удирдлагатай уулзлаа.

Уулзалтаар нүүрс тээврийн бүс дэх замын нөхцөл болон тээврийн хэрэгслийн хөдөлгөөн, жолооч нарын хөдөлмөрийн аюулгүй байдлыг хангах, гэмт хэрэг, зөрчилд өртөж хохирохоос урьдчилан сэргийлэх чиглэлээр хамтарсан сургалт зохион байгуулах, зөвлөмж хүргүүлэх, тодорхой чиглэлээр ажлын хэсэг байгуулж ажиллахаар боллоо.