“Томуугийн эсрэг хамтдаа” аян эхэллээ. Өнөөдрөөс эхлэн 10 дугаар сарын 3-ны өдрийг хүртэл үргэлжлэх томуугийн эсрэг вакцинд нийслэлчүүд та бүхнийг идэвхтэй хамрагдахыг уриалж байна. 

БНСУ-д үйлдвэрлэсэн дөрвөн төрлийн вирусын эсрэг дархлаа тогтоох үйлчилгээтэй уг вакцинд 0-6 насны хүүхэд, жирэмсэн эмэгтэйчүүд, ахмад настан, архаг суурь өвчтэй хүмүүсээ нэн тэргүүнд хамруулна.

Өнгөрсөн жил нийслэлийн хэмжээнд 146 мянган иргэнийг вакцинд хамруулж, томуугаар өвдөх эрсдэлийг 13 хувиар бууруулсан.

Энэ жил 293,620 орчим зорилтот бүлгийн иргэнийг вакцинд хамруулахаар төлөвлөж байна.

Та өөрт хамгийн ойр өрхийн эмнэлэг, эрүүл мэндийн төвд очиж вакциндаа хамрагдаарай.