Монгол, Японы нүүр ам судлалын салбарын эрдэмтэн, профессор, эмч, мэргэжилтнүүдийн форум зохион байгуулагдлаа.

Форумд Монгол Улсын Ерөнхийлөгчийн Эрүүл мэнд, нийгмийн бодлогын зөвлөх Б.Бадамцэцэг, Эрүүл мэндийн яамны Төрийн нарийн бичгийн дарга Н.Эрдэнэбаяр, Монгол Улсаас Япон Улсад суугаа Онц бөгөөд Бүрэн эрхт Элчин сайд Б.Баярсайхан, Японы Шүд, амны хөндийг эрүүлжүүлж, залуужуулах нийгэмлэгийн Ерөнхийлөгч Торү Мацуо нар оролцлоо.

Форумаар амны хөндийн эрүүл мэндийг хүн амын эрүүл мэндийн бодлогын салшгүй хэсэг болгон урьдчилан сэргийлэлт, эрт илрүүлэлт, эрүүл мэндийн боловсролыг бэхжүүлэх шаардлагыг онцоллоо.

Цаашид Монгол, Японы туршлага, мэргэжлийн хамтын ажиллагаанд тулгуурлан хүүхэд, өсвөр үеийнхний шүдний өвчлөлийг бууруулах, ахмад настны амны хөндийн эрүүл мэндийг хамгаалах, урьдчилан сэргийлэх бодлогыг шинэ шатанд гаргахад анхаарна.