Хятад улсын Гуандун мужид баригдаж буй “Шизи Ян” буюу Арслангийн хоолойн гарцын төсөл дэлхийн хамгийн том, хамгийн өндөр ачаалал хүлээн авах олон түвшний авто замын зангилаануудын нэг болохоор төлөвлөгдөж байна.

Энэ төсөл нийтдээ ойролцоогоор 6-7 жилийн хугацаанд баригдах юм байна. 

35 километр урт энэхүү төслийн гол хэсэг нь Сувдан мөрний амыг дамнан баригдах хоёр давхар, 16 эгнээ бүхий аварга дүүжин гүүр бөгөөд ашиглалтад орсноор Гуанжоу, Дунгуань зэрэг томоохон хотуудын хоорондын хөдөлгөөнийг эрс хурдасгах юм.

Төслийн хүрээнд хэд хэдэн өндөр түвшний уулзвар, нисдэг гүүр, олон давхар замын сүлжээ зэрэг багтаж байгаа бөгөөд замын урсгалыг огтлолцуулахгүйгээр шууд чиглэлээр шилжүүлэх инженерийн шийдлүүдийг ашиглаж байна.