Дэлхийн эрүүл мэндийн байгууллагаас жил бүрийн гуравдугаар сарын 3-ны өдрийг Сонсгол хамгаалах дэлхийн өдөр болгон зарласан. 

2026 он  “Хүүхдийн сонсголыг хамгаалъя” уриан дор өнгөрүүлж байна. 

Дэлхий дээр 1,5 тэрбум орчим хүн сонсголын тодорхой хэмжээний алдагдалтай бөгөөд 430 сая орчим хүн нь өдөр тутмын амьдралд хүндрэл учруулахуйц хүнд хэлбэрийн сонсголын алдагдалтай байна. 

Хэрэв сонсгол бууралт, дүлийрлээс урьдчилан сэргийлэх арга хэмжээг авч хэрэгжүүлэхгүй бол 2050 он гэхэд дэлхийн 2.5 тэрбум хүн сонсголын ямар нэгэн алдагдалтай болох магадлалтай байна.