АНУ-ын захиргаа хориг арга хэмжээний шинэ жагсаалт зарлаж, Монгол Улсын шүүгч Дамдины Эрдэнэбалсүрэн болон Гүржийн шүүгч Гоча Лордкипанидзе нарыг хамруулсанд Олон улсын эрүүгийн шүүх (ОУЭШ) харамсаж буйгаа илэрхийллээ.
Энэхүү хориг арга хэмжээ нь олон улсын шүүхийн байгууллагын хараат бус байдалд ноцтойгоор халдсан үйлдэл хэмээн Олон улсын эрүүгийн шүүх (ОУЭШ)-ээс мэдэгдсэн байна.
Түүнчлэн хууль хэрэгжүүлснийх нь төлөө шүүгч, прокуроруудыг онилон хориг арга хэмжээ авах нь хууль дээдлэх зарчмыг алдагдуулж, олон улсын эрх зүйн дэг журамд заналхийлж байгааг анхааруулжээ.
Олон улсын эрүүгийн шүүх (ОУЭШ) онцолсноор тус шүүгчид нь дэлхийн бүх бүс нутгийг төлөөлсөн, Ромын дүрмийн оролцогч улсуудын саналаар сонгогдсон хүмүүс бөгөөд тэдний талд тууштай зогсохоо илэрхийлж, хараат бусаар үйл ажиллагаагаа үргэлжлүүлнэ гэдгээ мэдэгдлээ.
