Японы "Universal Studios"-ийн ойролцоо "IHG Hotels & Resorts" компани 817 өрөө бүхий зочид буудлын төсөл хэрэгжүүлэхээр төлөвлөж байна.

Төслийг "Kajima Corporation"-оор ахлуулсан дөрвөн компанийн консорциум хэрэгжүүлэх бөгөөд нийт 10 тэрбум ам.долларын өртөгтэй аж.

Уг төсөл нь "InterContinental", "Kimpton", "Holiday Inn Resort" зэрэг IHG-ийн гурван брэндийг нэг дор багтаасан зочид буудлын цогцолбор байх бөгөөд 2029 онд ашиглалтад оруулах гэнэ. 

Мэргэжилтнүүдийн үзэж буйгаар энэхүү бүтээн байгуулалт нь IHG-ийн Осака хот болон Кансай бүс дэх байр суурийг улам бэхжүүлж, аялал жуулчлал, зочлох үйлчилгээний салбарт шинэ түвшний хөгжлийг авчрах ач холбогдолтой гэв.