Улсын үр, сортын зөвлөлийн ээлжит хурал болж, 17 сортын туршилтын үр дүнг хэлэлцлээ. Үүнээс:

• Зусах буудайн “Дархан-193” сорт НУТАГШСАН сортоор,
• Эрдэнэшишийн “Gangueon-2”, Бөөрөнхий сонгинын “Sara sara red”, Порей сонгино “Коламбус”, Ил талбайн лоолийн “AVTO-2150”, Саримсны “Цагаан соёо”, Гүзээлзгэний “Анна”, Маалингын “Северная”, Хүцэнгийн “ТАСХЫЛ-3”, Маалингын “Северный” сортууд ИРЭЭДҮЙТЭЙ сортоор,
• Зусах зөөлөн буудайн “Ликамеро”, “Корнетто”, “Канюк”, “Буран” АРИЛЖААНЫ сортоор,
• Гоёл, чимэглэлийн цэцгийн Зул сарын цэцэг (Matthiola incana)-ийн christmas white, christmas pink, autumn light-ийн 3 сорт; Арслангийн жавж (Antirrhinum majus) f1 lege gol, f1 lege snow, f1 lege pink-ийн 3 сорт; Гоёлын наранцэцэг (Helianthus annuus) f1 sunrich orange 45, f1 sunrich lemon 45-ийн 2 сорт; Далайн лавендэр (Limonium sinuatum) bondueli yellow-ийн сорт, Carthamus tinctorius- safflower-ийн round leaf orange сорт нийт 5 төрлийн 10 сорт цэцгийн  АРИЛЖААНЫ сортоор тус тус батлагдав.  

Тус хуралд Хүнс, хөдөө аж ахуй, хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ, тус газрын ахлах мэргэжилтэн Ц.Даариймаа болон эрдэм шинжилгээний байгууллага, төрийн бус байгууллагуудын төлөөлөл оролцлоо.