Өнгөрсөн зун Хэнтий аймгийн Баянхутаг сумын 25 малчин өрх нэгдэн “Нутагтаа эзэн-100:1000” төслийн хүрээнд “Улаан Өндөр” багийн нутаг дахь атаршсан талбайг сэргээн ашиглаж, 100 га талбайд тэжээлийн таримал тариалжээ. 

Тэгвэл малчид ногоон тэжээлээ хураан авсан байна. Өрх бүрт 335 боодол тэжээл хуваарилагдсан бөгөөд тэжээлийнхээ дээжээс сумынхаа нөөцөд 95 боодол өвс хандивлажээ.

Төсөлд хамрагдсан өрхүүд мөн өөрийн тэжээлээс нутгийнхаа малчдад 100 хүртэлх боодлыг зах зээлийн үнээс хямд үнээр борлуулах аж. 

Түүнчлэн сумын хэрэгцээнд мөн 100 га газар авч, ирэх жил нийтдээ 200 га газар ногоон тэжээл тариалахаар төлөвлөжээ.