АНУ-ын Дээд шүүх 2025 оны 10-р сарын 6-нд шинэ улирлынхаа хуралдааныг эхлүүлсэн бөгөөд энэ улиралд Ерөнхийлөгч Дональд Трамптай холбоотой хэд хэдэн томоохон хэрэг хэлэлцэгдэхээр төлөвлөгдсөн байна.

Тодруулбал, Ерөнхийлөгч Дональд Трампын татварын бодлоготой холбоотой хэргүүд, төрийн албан хаагчдыг халсан нь хуульд нийцсэн эсэх, төрийн албаны бүтэц, зохион байгуулалттай холбоотой хэргүүдийг хэлэлцэх юм.

Эдгээр хэргүүд нь АНУ-ын хууль эрх зүйн тогтолцоонд чухал ач холбогдолтой бөгөөд шүүхийн шийдвэр нь зөвхөн тухайн хэрэгтэй холбоотой асуудал төдийгүй Ерөнхийлөгчийн эрх мэдлийн хязгаарлалт, төрийн албаны хараат бус байдлыг тодорхойлоход чухал үүрэгтэй.