ХБНГУ парламентынхаа гишүүдээс шалтгаалан Эрүүгийн хуульдаа өөрчлөлт оруулж эхэлжээ.

Эрүүгийн хуульд нэмэлт өөрчлөлт оруулснаар зөвхөн парламентын хүрээнд авилга авч, албан тушаалаа урвуулан ашигласан тохиолдолд хариуцлага хүлээлгэдэг байсан бол шинэ хуулиар парламентын үйл ажиллагаатай хамааралгүй гэмт хэрэгт ч эрүүгийн ял хүлээлгэх боломж бүрдэж байна.

"COVID-19" цар тахлын үеэр зарим парламентын гишүүд амны хаалтын гэрээ хэлцлийг муж, улсуудаар дамжуулан зуучилж, энэ үйлдлийнхээ төлөө их хэмжээний мөнгө авсан нь илчлэгдсэн. Гэвч тухайн үед мөрдөгдөж байсан хууль эрх зүйн хүрээнд тэдгээр гишүүдэд хуулийн дагуу арга хэмжээ авч чадаагүй юм.