Герман улсын Кёльн (Köln) хотын захиргаа Брюсселийн талбай (Brüsseler Platz) болон түүний орчмын гудамжуудад шөнийн цагаар согтууруулах ундаа хэрэглэхийг хориглох шинэ журмыг хэрэгжүүлж эхэллээ.
Энэхүү шийдвэр нь тус талбайн ойр орчимд олон жил үргэлжилсэн нийтийн дэг журмын зөрчил, оршин суугчдын болон зочдын аюулгүй байдлыг хангах зорилготой юм.
Шинэ журмын дагуу, өдөр бүр оройн 22:00 цагаас өглөөний 06:00 цагийн хооронд Брюсселийн талбай болон түүний ойролцоох нийтийн эзэмшлийн газарт архи, согтууруулах ундаа уух, эсвэл задгай архи биедээ авч явахыг хориглолоо.
Хотын захиргааны зүгээс энэ бүсэд удаан хугацаанд согтуурсан залуус болон оршин суугчдын хоорондын зөрчил, эмх замбараагүй байдал үүсэж байсан тул тус арга хэмжээг авч хэрэгжүүлж буйг онцолжээ.
Өмнө нь тус талбайн орчимд оршин суух, цугларахыг хориглосон шүүхийн шийдвэр шүүмжлэл дагуулж байсан бөгөөд шинэ журмаар уг хоригийг зөөлрүүлж, шөнийн архины хэрэглээг хязгаарлах хэлбэрээр зохицуулалт хийж байна.
Хотын удирдлагуудын мэдээлснээр энэхүү шийдвэр нь оршин суугчдын тайван амьдралыг хамгаалж, нийтийн дэг журмыг сахиулахад чухал ач холбогдолтой гэж үзэж байна.
