Хаврын тариалалт эхэлсэнтэй холбогдуулан Төв аймгийн Засаг даргын А/163 тоот захирамжаар 16 хүний бүрэлдэхүүнтэй “Тариалалтын штаб” байгуулагдан ажиллаж байна.

Тариалалтын штабын энэ удаагийн хурлаар “Тариалалтын явц байдал, танилцуулга”, “Цаг агаарын төлөв байдал” болон “Тариалалтын явцад тулгамдаж байгаа асуудал”-ын хүрээнд мэдээлэл сонсож, санал солилцов.

Тариалалтын явцыг тогтвортой үргэлжлүүлэх, тариаланчдад зөвлөмж өгөх чиглэлээр аймгийн Хүнс, хөдөө аж ахуйн газрын Газар тариалангийн хэлтсийн мэргэжилтнүүд сумдад ажиллаж мэргэжил арга зүйн дэмжлэг, зөвлөгөө зөвлөмж өгч ажиллахаар шийдвэрлэв.

Төв аймаг энэ онд 158638 га талбайд тариалалт хийж 450344 тонн ургац хураан авахаар төлөвлөөд байгаа билээ.