Гэмтэл согог судлалын үндэсний төвөөс цана, чаргаар гулгахдаа анхаарал болгоомжтой байж амь нас, аюулгүй байдлаа хангахыг зөвлөж байна. 

 Цана, чарга, тэшүүрээс унаж гэмтэхээс сэргийлье. Уналтын шалтгаант өвчлөлийн тэргүүлэх шалтгаан 

• Нэг түвшин дээр халтирч, тээглэж бүдэрч унах -54.2 хувь
• Шат гишгүүрээс унах-11.7 хувь
• Нэг түвшин дээр цас мөсөн дээр унах -7.5 хувь
• Нэг түвшнээс өөр түвшин рүү унах -5.0 хувь
• Орноос унах-4.7 хувь 

Цана, дугуйт тэшүүрээс унаж бэртсэн тохиолдол 2019-2023 оны байдлаар нийт 8919 байгаа аж. Энэ нь уналтын шалтгаант осол гэмтлийн тэргүүлэх шалтгаанаар гуравдугаарт бичигдэж байна. Үүнийг насны бүлгээр авч үзэхэд, 10-14 насныхны бэртэл 2232 тохиолдол буюу 5.5 хувийг эзэлж байгаа аж. 

Зөвлөмж

• Чаргаар гулгахдаа гараа унжуулахгүй, чирэхгүй, түлхэж хүч нэмэхгүй байхыг анхаараарай
• Хөл гараараа тулснаар чарганы чиглэл өөрчлөгдөж бусадтай мөргөлдөх, унах бэртэх эрсдэлтэй
• Чаргаар ар араасаа дараалан гулгах нь хоорондоо мөргөлдөх эрсдэлтэй тул зэрэгцээ эгнээнээс гулгаарай.
• Замын голд зогсолт хийсэн бол бусдад болон өөртөө бэртэл учруулахааргүй замаа чөлөөлж зогсоорой.
• Гулгаж дуусаад чарганаасаа хурдан босох, ухарч гулгахгүй байх, бусдад болон өөртөө бэртэл учруулахгүйгээр мөргөлдөх болон мөргүүлэхээс зайлсхийж дээрээс гулгаж буй хүнийг харж замаа чөлөөлөөрэй
• Бага насны хүүхдэд тавих хараа хяналтаа сайжруулаарай.