МАН-ын XI Бага хурлаар тус намын орон тооны нарийн бичгийн даргаар Намын байгуулалтын газрын дарга Н.Энхбаатар, Хэвлэл мэдээлэл, Цахим бодлогын газрын дарга Ц.Чулуунзагд, МАХН-ын Ерөнхий нарийн бичгийн дарга асан Б.Тулга нарыг томилсон байна. Харин орон тооны бус нарийн бичгийн даргаар УИХ-ын гишүүн Д.Сарангэрэлийг тус тус томилжээ.

МАН-ын Бага хурлын ээлжит XI хуралдаан Баасан, Бямба гарагуудад цахимаар хуралдаж өндөрлөлөө. Энэ удаагийн хуралдаанаар Монгол Улсын Ерөнхийлөгчөөр сонгогдсон У.Хүрэлсүхийг намын гишүүнчлэлээс түдгэлзүүлж, МАН-ын даргаар Бага хурлын гишүүдийн 100 хувийн саналаар Монгол Улсын 32 дахь Ерөнхий сайд Л.Оюун-Эрдэнийг сонгож, нарийн бичгийн дарга нарыг сонгосон байна.