Монгол Улсын Ерөнхий сайдын “Чөлөөлье” үндэсний санаачилгын хүрээнд бизнесийн орчныг “Сааруулж” буй хууль тогтоомж, дүрэм, журам, зохион байгуулалтын саад бэрхшээлийг тодорхойлох, иргэд, бизнес эрхлэгчдийн хөдөлмөр эрхлэх, бизнесээ хөгжүүлэх, орлогоо нэмэгдүүлэхэд тулгарч буй асуудлыг шийдвэрлэх, хүнд суртлыг бууруулах талаар гарсан санал, санаачилгыг нэгтгэн холбогдох байгууллагад хүргэх зорилго бүхий “Чөлөөлье” хэлэлцүүлгийг зохион байгуулж байна.

Хэлэлцүүлэгт Засгийн газрын Хяналт хэрэгжүүлэх газрын Хууль, эрх зүйн газрын дарга М.Цолмон, аймгийн удирдлагууд, ИТХ-ын төлөөлөгч нар, жижиг, дунд бизнес эрхлэгч, мэргэжлийн холбоо, төрийн бус иргэний нийгэм болон төрийн байгууллагын төлөөлөл танхимаар, 27 сумаас цахимаар оролцож байна.