Засгийн газраас ирээдүйн Монгол иргэдийн эрүүл мэндийг дэмжих, хүүхдийн зөв зохистой хооллолтыг төлөвшүүлэх бодлогын хүрээнд цэцэрлэг, ерөнхий боловсролын сургуулийн хүүхдийг үдийн сүүгээр хангах “Өдөр бүр нэг аяга сүү” хөтөлбөрийг хэрэгжүүлж байна.

Хүүхэд бүрийг шим тэжээллэг, чанартай, аюулгүй хүнсээр хангах нь тэдний эрүүл өсөлт, хөгжилд оруулж буй чухал хөрөнгө оруулалт юм.

Түүнчлэн энэхүү хөтөлбөр нь дотоодын сүүний үйлдвэрлэл, малчид, фермерүүдийн бүтээгдэхүүний борлуулалтыг дэмжиж, хүүхдийн эрүүл мэндийг хүнсний үйлдвэрлэлийн хөгжилтэй уялдуулах ач холбогдолтой юм.