Иргэд нийтийн тээврийн автобусаар зорчиход хоёр төрлийн төхөөрөмжөөр төлбөрөө төлдөг. Энэ системийг тавдугаар сараас өөрчлөх юм байна. 

Төхөөрөмжийн шинэчлэлийн талаар "Улаанбаатар Смарт карт" ХХК-ийн Бизнес хамтын ажиллагааны хэлтсийн дарга С.Гэрэлт-Од "Нийтийн тээврийн автобусны төлбөрийн картыг тавдугаар сарын 2-ноос эхэлж, нэг л төхөөрөмжид уншуулж төлбөрөө төлдөг болно. Энэ нь амар хялбар болж байгаа гэсэн үг. Шинэ систем дээр бүх төрлийн картыг уншиж байгаа. Мөн UBcard төхөөрөмжид Umoney болон банкны карт, UBcard апп, QR уншина. Автобуснаас буухдаа заавал картаа дардгийг болино. Автобусанд орохдоо чернилэн ягаан өнгөтэй буюу UBcard төхөөрөмж дээр картаа дараад явахад болно. Мөн UBcard аппликэйшнээр Umoney картыг цэнэглэдэг болж байгаа" гэлээ.