Монгол Улс НҮБ-ын Статистикийн комиссын гишүүнээр сонгогдов
Нэгдсэн Үндэстний Байгууллага (НҮБ)-ын Эдийн засаг, нийгмийн зөвлөлийн Удирдлагын сегментийн 2026 оны 04 дүгээр сарын 08-ны өдрийн хуралдаанаар Монгол Улс 2027-2030 онд НҮБ-ын Статистикийн комиссын гишүүнээр ажиллахаар сонгогдов.
Манай улс тус комиссын гишүүнээр хоёр дахь удаагаа сонгогдож байгаа бөгөөд олон улсын статистикийн бодлого, стандарт, арга зүйн хөгжлийг тодорхойлох үйл явцад идэвхтэй хувь нэмрээ оруулах боломж дахин бүрдэж байна.
НҮБ-ын Статистикийн комисс нь статистикийн салбарын шийдвэр гаргах олон улсын дээд түвшний байгууллага бөгөөд гишүүн орнуудын статистикийн тогтолцоог бэхжүүлэх, олон улсын стандарт, ангилал, аргачлалыг батлах, хэрэгжилтийг хангахад чухал үүрэг гүйцэтгэдэг.
Монгол Улс гишүүнээр ажиллах хугацаандаа НҮБ-ын Статистикийн Комиссын үйл ажиллагаанд идэвхтэй оролцох, Тогтвортой Хөгжлийн Зорилгуудын хэрэгжилтийг гаргах, тоон мэдээллийн хүртээмж, чанарыг сайжруулах, албан ёсны статистикийн үйл ажиллагаанд өгөгдлийн засаглалыг хөгжүүлэх, уламжлалт бус мэдээллийн эх үүсвэр, хиймэл оюуныг ашиглах зэрэг чиглэлд бодит хувь нэмэр оруулахыг зорьж ажиллах юм.
Бусад мэдээ
Ерөнхий сайд Н.Учрал гадаадын улсуудад томилогдсон Элчин сайд нарыг хүлээн авч уулзав
Мэдээ
Ерөнхий сайд Н.Учрал БНХАУ-ын Элчин сайд Шэнь Миньжюаныг хүлээн авч уулзлаа
Мэдээ
Засгийн газрын ээлжит хуралдаанаас гаргасан шийдвэрийг танилцуулж байна
Мэдээ
146 төрлийн үйл ажиллагааг зөвшөөрөлгүйгээр эхлүүлэх боломж бүрдүүллээ
Мэдээ
Сэтгэгдэл
(0)
АНХААРУУЛГА: Уншигчдын бичсэн сэтгэгдэлд M21.mn хариуцлага хүлээхгүй болно. Манай сайт ХХЗХ-ны журмын дагуу зүй
зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ
зөрчсөн сэтгэгдлийг админ устгах эрхтэй.
