Оюутан залуусын дунд үндэсний бөхийн өв соёлыг түгээн дэлгэрүүлэх, барилдааны ур чадварыг дээшлүүлэх, тамирчны карьер хөгжил, мэргэжлийн боловсрол эзэмших хүсэл эрмэлзлийг дэмжих зорилготой Оюутны улсын аварга шалгаруулах барилдаан зохион байгуулагдана.
2026 оны тавдугаар сарын 1-нд Монгол бөхийн өргөөнд болох энэхүү баридаанд 18-25 насны их, дээд сургууль, коллежийн бакалавр, магистр түвшний (2.5-аас дээш голч дүнтэй) оюутнууд оролцох боломжтой. 

Нэг сургуулиас нэг жинд 4 хүртэлх бөх оролцох бөгөөд жингийн ангилал нь -65 кг, -75 кг, -85 кг, -95 кг, +95 кг, үнэмлэхүй байна. Жин тус бүрийн аваргууд үнэмлэхүйд барилдана.

Жич: Шүүгчдийн саналаар 3 бөх нэмэгдэнэ. Мөн уран гараа, дэвээтэй бөх шалгаруулна.