“Цахим Дорноговь” өдөрлөгийн хүрээнд Мэдээллийн технологийн үндэсний парк нь сурагчдад технологийн суурь мэдлэг олгох, багаар ажиллах ур чадварыг хөгжүүлэх, мөн ирээдүйн мэргэжлийн чиг баримжаагаа тодорхойлоход нь дэмжлэг үзүүлэх зорилгоор “AI & Coding” хакатоныг зохион байгуулах гэж байна.

Тус хакатон нь гуравдугаар сарын 25-26-ны өдрүүдэд Дорноговь аймгийн ерөнхий боловсролын сургуулийн 9-11 дүгээр ангийн сурагчдын дунд явагдана.

Оролцогчид хиймэл оюун ухаан болон программчлалын анхан шатны мэдлэгээ бодит кейс дээр ашиглан, бүтээлч сэтгэлгээ, багаар ажиллах чадвараа сорих боломжтой.