Хэнтий аймгийн Чингис хотод нэгдүгээр сарын 23-26-ны өдрүүдэд болох Монгол Улсын АШТ-д эрэгтэй 212 , эмэгтэй 105 нийт 317 тамирчин оролцохоор мэдүүлгээ өгчээ.

Эрэгтэй жингүүдээс хамгийн олон тамирчидтай жин бол 60 кг бол эмэгтэй жин дээр 48 кг хамгийн олон тамирчидтай жин байна.

Өнөөдөр үдээс хойш 15 цагаас сугалаа гарч маргааш өглөө 9 цагаас эхний өдрийн хэсгийн барилдаанууд эхлэнэ харин финалын барилдаанууд 16 цагаас эхлэх юм.

Маргааш буюу эхний өдөр эрэгтэй 73 , 90 , -100 , +100кг , эмэгтэй 57 , 70 , -78 , +78кг гэсэн жингүүд барилдах бол 2 дахь өдөр эрэгтэй 60 , 66 , 81 , эмэгтэй 48 , 52 , 63 кг жингүүд барилдана.

Хамгийн сүүлийн өдөр бол холимог багийн УАШТ-тай өдөр 73 , 90 , +90 , 57 , 70 , +70 кг гэсэн жингүүдээр үзэж аваргуудаа тодруулна.