2024 оны Улсын их хурлын сонгуулийн үр дүнд олонх болсон МАН-ын Удирдах зөвлөл яг одоо хуралдаж байна. Энэ удаагийн хуралдаанаар МАН-ын даргыг сонгох Бага хурлын товыг зарлан хуралдуулах юм.
МАН-ын даргын сунгаанд УИХ-ын дарга Д.Амарбаясгалан өрсөлдөнө гэдгээ мэдэгдсэн бол Ерөнхийлөгч У.Хүрэлсүхийн хүн гэдгээрээ тамгалагдсан Ерөнхий сайд Г.Занданшатар нар өрсөлдөх магадлалтай байна.
Тус нэр дэвшигчдийн хувьд МАН-ын Ерөнхий нарийн бичгийн даргаар ажиллаж байсан, төрийн өндөр албан тушаал хашиж яваа туршлагтай, дунд үеийн төлөөлөл юм
Гэхдээ Бага хурлын үеэр заалнаас нэр дэвшүүлж МАН-ын даргад өрсөлдөх нь нээлттэй юм.
МАН-ын даргад өрсөлдөх нэр дэвшигч Бага хурлын гишүүдийн гуравны хоёрын саналыг авснаар сонгогдох нөхцөл үүснэ гэж үзэхээр байна. Ингэж чадахгүй бол МАН-ын Их хурлаар эрх баригчид “даргаа” сонгох нөхцөл үүсэх үү гэдэг нь анхаарал татаж байна.
