Улсын бүртгэлийн байгууллага 1999 оноос эхлэн туслах аж ахуй эрхэлсэн бөгөөд тус аж ахуйн хүрээнд мал сүргийн тоо жилээс жилд нэмэгдсээр байна.

Энэхүү өсөлттэй уялдуулан байгууллагын малыг оновчтой зарцуулах, ил тод тайлагнах зорилгоор зарцуулалтын журмыг байгууллагын даргын тушаалаар 2025 оны тавдугаар сарын 20-ны өдөр баталлаа.

Шинэчилсэн журмын онцлох заалтуудаас дурдвал:

• “Цагаан сар”-ын баяраар байгууллагын 80-аас дээш настай, тэтгэвэрт гарсан ахмад ажилтнуудад тус тус нэг мал олгоно.
• “Үндэсний их баяр наадам”-аар Улсын бүртгэлийн ерөнхий газар, хэлтэс, дүүргийн Улсын бүртгэлийн хэлтэс тус тус нэг мал олгоно.
• “Улсын бүртгэлийн ажилтны өдөр”-ийг тохиолдуулан нийт 5  албан хаагчийг тус бүр нэг малаар урамшуулахаар шийдвэрлэжээ.

Энэ нь ахмад ажилтнаа хүндэтгэх, албан хаагчдын идэвх санаачилгыг нэмэгдүүлэх, байгууллагын нийгмийн хариуцлагыг бодитоор хэрэгжүүлэх чухал шийдвэр болж байна.