Монгол Улс 99 жилийн өмнө анхдугаар Үндсэн хуулиа баталж эрх чөлөөгөө дархалсан түүхтэй. 1924 онд зөвхөн ЗХУ-тай дипломат харилцаатай байсан бол 2023 онд нийт 193 оронтой дипломат харилцаа тогтоогоод байна.

Манай улсын хүн ам 1924 онд 651.1 мянга байсан бол 2023 оны эхний 10 сарын төрөлт, нас баралтын мэдээлэлд үндэслэн тооцоолоход энэ оны 11 дүгээр сард 3.5 сая хүрэхээр байгаа юм. Монгол Улсын эдийн засаг 2023 оны эхний есөн сард 6.9 хувиар  өсөхөд уул уурхайн салбарын өсөлт голлон нөлөөллөө гэж Үндэсний Статистикийн Хорооноос мэдээллээ.