Нийслэлийн Нийтийн тээврийн газрын дарга С.Жавхланбаатар шалгагдах хугацаандаа өөрийгөө хутгалж, эмнэлэгт хүргэгдэж сэхээний тасагт эмчлүүлж байна. Энэхүү нөхцөл байдлын улмаас мөрдөн шалгалтын ажиллагааг түр зогсоогоод байна.

Нийслэлийн нийтийн тээврийг шинэчлэх зорилгоор нэг бүрийн үнэ нь 336 сая төгрөгийн өртөг бүхий дуулиант ногоон автобусыг Вьетнам улсаас оруулж ирсэн ч, шинэ гэсэн тодотголтой тус автобус будаг замасктай болох нь тогтоогдож Авлигатай тэмцэх газар,  Эрүүгийн цагдаагийн газрын хамтарсан баг мөрдөн шалгах ажиллагааг эхлүүлсэн.