Монгол Улсын Хөгжлийн Банкнаас зарласан нээлттэй 500 тэрбум төгрөгийн бондын хөтөлбөрийн эхний транч болох 100 тэрбум төгрөгийн бонд нээлттэй арилжаалагдаж, хүү нь жилийн 11% дээр тогтлоо. 

Энэ нь Монголд анх удаа бондыг хүүгээр өрсөлдөх зарчмаар арилжаалж буй явдал юм. Энэхүү бондын ач холбогдол нь эх үүсвэр татахаас гадна:

• МУХБ-ийн төгрөгийн үнэт цаасны бодит өгөөжийн муруй (yield curve) бий болох,
• Цаашид төгрөгийн бондын үнэ, өгөөжийг зах зээл бодитоор тодорхойлох боломж нэмэгдэх,
• МУХБ-ийн мөнгөн хөрөнгө, эх үүсвэрийн удирдлагыг илүү зөв, үр ашигтай хийх боломжтой болох,
• МУХБ үйл ажиллагаа нээлттэй, ил тод болох,
• Дотоодын хөрөнгийн зах зээлд мэргэжлийн хөрөнгө оруулагчдын оролцоог нэмэгдүүлэх,
• Цаашид тогтмол арилжаалагддаг, хөрвөх чадвартай төгрөгийн санхүүгийн хэрэгслүүд нэмэгдэхэд том алхам болно.

Төгрөгийн бондын зах зээлийг илүү өрсөлдөөнтэй, ил тод, зах зээлийн зарчимтай болгох нэг алхам болж байна.