Дорнод аймгийн Байгаль орчныг хамгаалах, нөхөн сэргээх арга хэмжээний зардлын болон АДАПТ төслийн хамтарсан санхүүжилтээр тус аймгийн 4 сумын булгийн эхийг байгальд ээлтэй аргаар хашиж, хамгааллаа.
Тус ажлыг аймгийн Дорнод аймгийн Засаг даргын захирамжаар байгуулагдсан ажлын хэсэг аймгийн байгаль орчны газар ажиллаж хүлээн авлаа.
-
Баяндун сум – Баруун наймганы булаг
-
Дашбалбар сум – Баруун жараахайн булаг
-
Гурванзагал сум – Рашааны хөндлөн булаг
-
Чулуунхороот сум – Бүсийн булаг
АДАПТ ТӨСӨЛ-тэй хамтран 4 жилийн хугацаанд нийт 11 сумын 22 булаг хашаалж хамгаалаад байна.
Булгийн эхийг хашиж хамгаалснаар усны эх үүсвэр бохирдохоос хамгаалагдана, малын хөлөөс чөлөөлөгдөж, булгийн эхийн хэвийн байдал хадгалагдана, усны ундарга, урсцыг хамгаалах нөхцөл бүрдэнэ, цөлжилт, газрын доройтлоос урьдчилан сэргийлнэ, экологийн тэнцвэр, экосистемийн тогтвортой байдлыг хадгалахад чухал ач холбогдолтой.
Энэхүү хашаа хамгаалалтын цаашдын ашиглалт, арчилгаа, засвар үйлчилгээ болон шаардлагатай сайжруулалтын ажлыг тухайн сум орон нутаг, ойр орчмын малчид, иргэд хамтран хариуцаж, булгийн эхийн хамгаалалтын бүрэн бүтэн байдлыг ханган ажиллах юм.
