“Нутагтаа эзэн 100:1000”  төслийн хүрээнд Хөвсгөл аймгийн Их-Уул сумын малчид энэ зун 100 га талбайд ногоон тэжээл амжилттай тариалж, анхны ургацаа хураан авахад бэлэн болжээ.

Ногоон тэжээлээр малын тарга хүчийг сэлбэж, мах, сүүний гарцыг нэмэгдүүлээд зогсохгүй өвөлжилтийг хохирол багатай даван туулах, бэлчээрийн даацыг зохицуулахад чухал ач холбогдолтой.

Түүнчлэн малчид хамтран тариалснаар өвөлжилтийн бэлтгэлээ хамтдаа базаах, ган зудын эрсдэлийг хамтын хүчээр даван туулах, отор нүүдэл, шилжилт хөдөлгөөнийг сааруулах, улмаар нутагтаа эзэн болж бэлчээрийн мал аж ахуйгаа хамгаалахад хувь нэмрээ оруулах юм.