Цахим хөгжил, инновац, харилцаа холбооны сайд Ч.Номин “ClariTec Digital Technology Group”-ийн гүйцэтгэх захирал Ван Пэнсю, Бизнес хариуцсан захирал Му Чэньлу тэргүүтэй төлөөлөгчдийг хүлээн авч уулзан, Монгол Улсад сэргээгдэх эрчим хүч, AI дата төв болон тооцооллын дэд бүтцийг хөгжүүлэх боломжийн талаар санал солилцлоо.

Тус групп нар, салхины эрчим хүч, эрчим хүчний хуримтлуурыг өндөр хүчин чадлын AI дата төвтэй хослуулан хөгжүүлэх сонирхлоо илэрхийлж, хөгжлийн загвараа танилцууллаа.

Мөн Монголын сэргээгдэх эрчим хүчний нөөц, байгаль цаг уурын давуу талд түшиглэн өндөр үнэ цэн бүхий AI тооцооллын хүчин чадал, дижитал эдийн засгийн шинэ боломж бий болгох талаар ярилцлаа.