Зуунмод хотын халаалтын 5 дугаар зуухны барилга байгууламжийг иж бүрэн шинэчлэх ажил эхэллээ. 

Бүтээн байгуулалтыг “Цэцэнс майнинг энд энержи” ХХК нийгмийн хариуцлагын хүрээнд хийж өгч байгаа юм.

Ажлын хүрээнд хуучин зуух янданг буулгаж, шинээр 4.2 болон 2.8 МВт хүчин чадалтай 2 ширхэг усан халаалтын уурын зуух, нүүрс тэжээх, үнс зайлуулах автомат удирдлагын систем бүхий орчин үеийн шаардлага хангасан уурын зуух барьж, угсарч, тохируулгыг хийж өгнө. 

Төслийн гүйцэтгэгчээр “Эн Ар Жи Эм” ХХК ажиллаж 10 дугаар сарын 15-ны дотор хүлээлгэн өгөхөөр ийнхүү ажлаа эхлүүллээ.

Ашиглалтын хугацаа дууссан 5-р зуух шинэчлэгдсэнээр Зуунмод хотын өсөн нэмэгдэж байгаа дулааны хэрэгцээг найдвартай хангах ажилд том дэвшил болох юм.