Батлан хамгаалах яамны Стратегийн бодлого, төлөвлөлтийн газрын дарга бригадын генерал Э.Гансүх Умард Атлантын гэрээний байгууллагын Улс төрийн асуудал, аюулгүй байдлын бодлогын газрын Энэтхэг-Номхон далайн асуудал хариуцсан захирал хатагтай Гвен Вамос тэргүүтэй төлөөлөгчдийг Батлан хамгаалах яаманд хүлээн авч уулзлаа. 

Төлөөлөгчид Монгол Улсад хийж буй ажлын айлчлалын хүрээнд Умард Атлантын гэрээний байгууллагатай хамтран хэрэгжүүлж буй "Тусгайлсан түншлэлийн хөтөлбөр 2024-2027"-ийн хэрэгжилтийн дунд хугацааны үнэлгээг хамтран хийх бөгөөд талууд аюулгүй байдал, хамтын ажиллагааны талаар санал солилцлоо.