Эдийн засаг, хөгжлийн яам хөрөнгө оруулалтын орчныг сайжруулах, дотоодын болон гадаадын хөрөнгө оруулагчдын эрх ашгийг хамгаалах зорилгоор “Хөрөнгө оруулагчийн эрх ашгийг хамгаалах төв”-ийг албан ёсоор байгуулж, үйл ажиллагааг нь эхлүүллээ.

Тус төв нь хөрөнгө оруулагчдын тулгарч буй хүндрэл, бэрхшээлийг шийдвэрлэх, төрийн байгууллагуудын уялдаа холбоог сайжруулах замаар бизнесийн таатай, тогтвортой орчныг бүрдүүлэхэд голлон анхаарч ажиллах аж.

Нээлтийн арга хэмжээнд салбарын холбоод болон төрийн бус байгууллагууд тугаа байршуулж, цаашид хамтран ажиллахаа илэрхийллээ.