Өнөөдөр буюу 2025 оны тавдугаар сарын 7-нд ихэнх нутгаар нойтон цас, хур тунадас орж Солонготын даваанд болон авто замд халтиргаа гулгаа үүсэж, үзэгдэх орчин хязгаарлагдмал байгаа тул иргэд та бүхэн холын замд гарахдаа автомашинхаа бүрэн бүтэн байдлыг хангаж өвлийн дугуйтай, дулаан хувцастай явахыг анхааруулж байна.

Солонготын даваанд Завхан АЗЗА ХХК-аас 1 механизм, 2 үйлчилгээний машин 7 ажилтантай замыг хусаж, цэвэрлэх ажлыг зохион байгуулж байна.

Иймд иргэд, тээвэрчид та бүхэн замд гарахдаа зуны дугуйтай хөдөлгөөнд оролцохгүй байх, аюулгүй байдлаа хангах зэргээр урьдчилан сэргийлэх арга хэмжээ авахыг Завхан аймгийн Онцгой байдлын газраас анхааруулж байна.