Хөвсгөл аймгийн Хатгал тосгон, Хөвсгөл нуурын Хүслийн хад цогцолборын бүтээн байгуулалтын ажил 95 хувьтай үргэлжилж байгаа бөгөөд 6 дугаар сарын 1-нд ашиглалтад орох ажээ.

Ингэснээр явган хүний зам, сүүдрэвч, бүтээгдэхүүн борлуулах цэг, амрах талбай, завины зогсоол, ариун цэврийн байгууламж бүхий иж бүрэн төв болох юм.

Хөвсгөл аймгийг жил бүр 110 мянга гаруй жуулчид зорьдог.

Тэдний олонхийн очдог газруудын нэг нь Хүслийн хад юм.

Өмнө нь иргэдийн аюулгүй байдлыг хангаагүйн байсны улмаас хүн унаж бэртэх зэрэг эрсдэл гардаг байсан.

Харин Хүслийн хад цогцолбор ашиглалтад орсноор аюулгүй, ая тухтай орчинд амарч, аялах боломж бүрдэнэ.